Չէ ու չէ

-Սականի աղջիկ, մոտ է մահուս ժամը,- ասաց Անեսը կնոջը,- կանչի՛ր որդիներիս, թող գան ու լսեն իմ վերջին ցանկությունները։

Կինը կանչեց որդիներին։

-Տղա՛ս,- դիմեց Անեսն ավագ որդուն,- մտի՛ր գործիդ մեջ, ծախսերդ շատ են, այս տարի դեռ տուն մի՛ կառուցիր։

-Ո՛չ,- խառնվեց կինը,- ինչ էլ որ լինի, պետք է այս տարի տուն կառուցել։

-Իսկ դու,- Անեսը դիմեց միջնեկ որդուն,- ամուսնացիր միայն այն ժամանակ, երբ կրթություն կստանաս։

-Չէ ու չէ,- թրի նման կտրեց կինը,- հաջորդ ամիս ամուսնացնելու եմ։

-Սականի աղջիկ,- ասաց Անեսը,- երբ մահանամ ոչ թե ես, այլ դու, ապա խոսիր իմ փոխարեն, ես կլռեմ։

Աղբյուր՝ http://pritchi.ru/id_2711

Թարգմանությունը՝ Միքայել Առաքելյանի