Կեսարն ու բժիշկը

Կեսարն ուներ միայն մեկը, ում ինքը հավատում էր՝ իր բժիշկը: Եթե նա հիվանդանում էր, դեղերը ընդունում էր միայն անձամբ բժշկի ձեռքից. 

Մի անգամ, երբ Կեսարը իրեն վատ էր զգում, նա ստացավ անանուն գրություն. «Վախեցիր ամենամոտիկ ընկերոջից՝  քո բժիշկից: Նա ցանկանում է քեզ թունավորել»:

Որոշ ժամանակ անց եկավ բժիշկը և Կեսարին հանձնեց դեղը: Նա տվեց ընկերոջը ստացած գրությունը և մինչև մյուսը կարդում էր, մինչև վերջին կաթիլը խմեց բուժիչ նյութը:

Ընկերը սարսափահար քարացավ.

-Տեր իմ, ինչպե՞ս կարող էիր խմել իմ տվածը, այդ գրությունը կարդալուց հետո:

Կեսարը հանգիստ պատասխանեց.

-Ավելի լավ է մեռնել, քան թե թերահավատություն ունենալ ընկերոջ նկատմամբ:

Թարգմանությունը՝ Գեորգի Թևոսյանի

Աղբյուր՝ http://pritchi.ru/id_6722

Նկարի աղբյուր՝ kolybanov.livejournal.com